Përbërja: Boronicë të egër 100% organike.

Vetitë kuruese: Frytet e boronicës (ose frytet e qershiglës) janë të pasura me taninë, acid malik, citrik e benzoik si dhe me vitamina A, C dhe P. Frytet e boronicës dhe çaji i tyre ndihmon në trajtimin e çrregullimeve të qarkullimit të gjakut në kapilarë, veçanërisht në hemoragjitë e retinës. Krahas vlerave që ka si një çaj i përditshëm boronica ndihmon në infeksionet e zgavrës së gojës dhe atë të fytit. Gjithashtu ndihmon kundër heqjes së barkut, kundër hemorroideve (majasëllit), kundër ulçerës gastrike dhe variçeve. Boronica e egër është gjithashtu e njohur si një mjet që lufton ndjeshëm diabetin.

Përgatitja: Kokrrat mund të përtypen ose të merren në formë çaji. Çaji përgatitet duke zhytur në një enë (masa e dy filxhanave çaji) me ujë të vakët një-dy lugë fryte boronice dhe duke i lënë të mufaten për dhjetë minuta. Më pas ena vihet në zjarr deri në vlim. Lëngu i përftuar pihet si një çaj dhe frytet e mbetura mund të hahen.